Dit, was die jaar 1988, kry ek en die vrou van die huis, gelyk geelsug. Nare siekte. Alle siektes is seker maar naar. Paar dae in die hospitaal en daarna, dr Engelbrecht, baie ernstig. Jy, moet eintlik, ses weke in die bed bly en jou baie stil gedra, die lewer, jy weet.. Natuurlik, word sy opdrag, uitgevoer, maar wat is daar te doen, behalwe lees en TV kyk. Destyds, was daar, een of ander middag, ‘n buitelug program, lankal, die naam, vergeet. Daar besing hulle, die wonderlike eienskappe, van die Weberbraaier. Nog onbekend in SA. Die geskiedenis, van my braaiery, hoewel baie lief om te braai, was dat my familie en vriende altyd, ‘n bespotting gemaak het, van my toerusting. Primitief, het iemand, dit genoem. Let wel, niemand, het ooit honger gehad of te laat geeet nie. Net daar, is die besluit geneem. Die eerste een wat ek raakloop, die koop ek.
Baie kilogram vleis, is suksesvol, op daardie Weber gebraai en dit was die einde van die bespotting en goed, vir die selfbeeld, wat aanflarde was. Die heerlikste skaapboud, later, my spesialiteit. Die foto, van die laaste boud, by die kinders in Dubai. Met ons trek, omtrent, die eerste, wat in die vraghouer gepak is. ‘n Jaar of wat, na ons aankoms, kry ons besoek, van ‘n paar Weskusmense, onder andere Zirk Bergh, wat later, om heeltemal die verkeerde rede, bekend geword het. Hy, het besluit, om nog ‘n maand hier te kuier. Elke aand, het hy kampvuur, in die braaier gemaak en so my Weber verwoes. RIV Zirk.
Geen Webers, hier beskikbaar nie. Baie, baie ander modelle. Ongeveer, ‘n jaar gelede, vang my oog ‘n namaaksel van ‘n Weber, in ons Superseis supermark en ook teen ‘n goeie afslag. Selfde middag, met die aanmekaarsit, die besef, hierdie, is ‘n baie swak Sjinese namaaksel. Die (Ons) rekenaarman, die Brasileiro, Mauro, sou dit, in omtrent die somtotaal, van sy Engels, as Sjaainies Shiet, beskryf. Vir daardie afslagprys, kon ek seker nie beter verwag nie.
Die ou braaiertjie, doen sy ding, maar sy leeftyd sal seker binne ‘n paar maande om wees. Die ou roostertjies, nie veel dikker as ‘n hekelnaald nie, die res se verf, baie afgeskilfer. Geen ennamel, soos die regte Weber nie. Nou weet ek hoekom hulle daardie pryse het.
Goedkoop koop, is eintlik duur koop, maar wat maak mens, as daar niks anders beskikbaar is nie. Ek jok, daar is baie ander beskikbaar, maar nie Weber nie.
Hasta la proxima
coetzeeblog 
Ek hoop so iemand sorg dat jy ń ordentlike Webber kry, Coetzee! Jy verdien een.
Ag, Una, baie dankie, vir die gedagte. Eintlik, is hier baie gawe braaiers en ek het seker vir 20 jaar, sonder een klaargekom. Dalk, het dit meer oor die nostalgie gegaan?
Ja, daardie goedkoop koop is meestal duur koop want jy moet dit gedurig opgradeer of vervang. Daardie Sjainies Shiet is oral beskikbaar teen n ekstra goedkoop prys. Kan jy nie n Webber “invoer” nie. Dit sal darem jou braaiery n lus maak weer.
Coetzee, my #Lekker braai winkel se mobiele braais en die Weber op die stoep sal voortaan my aan jou Sjainies Shiet herinner. Ek hoop jy kry die ware Jakob weer.
Vuurvliegie, gelukkig, is dit, nie die einde van die wêreld nie, het ‘n ander een, wat heeltemal voldoende is. Ook genoeg ander modelle oral te koop. Sal dalk daarvan, ‘n paar foto’s moet plaas
Ag ek ken daai gevoel! Ons baba-enerjie dop af asof sy aan ‘n gevaarlike siekte ly. Het sulke borrels gemaak.
Is dit, ook die sjainies shiet? Weber, doen dit gewoonlik nie.
Ek moes dit bygeskryf het. Inderdaad. Hier word ons daarteen gewaarsku. You buy once, you buy twice … Maar, hier is ook geen Weber te koop nie.
Ek verstaan daardie soort versugting. Ek soek ook altyd die oorspronklike item, nie ‘n namaaksel nie. Soms dink ek ook dis pure nostalgie.
Ag, met ons ontrommeling, het ons eintlik van die nostalgie en sentiment ontslae geraak en hier is gawe braaiers.