Hier is gelukkig nog geen Nguni’s nie. So hier is nog geen bekgevegte tussen die voorstanders van die Bonsmara en die Nguni nie. Die Bonsmara, soos die ander Suid-Afrikaans ontwikkelde rasse die Dorper en die Boerbok, is stadig maar seker besig om sy merk hier te maak.
Die plaaslike telersvereniging is reeds op die 7e Julie 2004 gestig. Sedert 2005 is daar uitstallings van die Bonsmara op elke Expo gehou, aangesien daar gehou word by die reëls en regulasies van die SA telersvereniging waar dit verbode is om te skou. Kontak met die SA vereniging word deurentyd behou asook met ander lande. Gereeld word daar boeredae gehou en besoeke gebring aan telers.
Jorge Fullone
Gedurende die afgelope jaarvergadering van lede is Jorge A Fullone as president gekies, vise-president Neversindo Bairros Cordeiro, sekretaris Moisés Yu, Maria Isabel Couchonal is die aangewese bestuurder van die ras en bykomende lede is Hartmut Voth, Roberto Samaniego en Lourenzo Tito Larrosa. Tegniese personeel is Moisés Yu, Tulio Ferreira, Eduard Voth en Roberto Samaniego.
Jorge Fullone is sedert 1989 betrokke by die Bonsmara deur sy verbintenis met die Leachman groep. In 1990 is daar 62 skenker koeie in SA uitgesoek en 2 bulle gekoop en nog 3 bulle gebruik. Hieruit is daar 12000 embrios verkry wat in Brazilië versprei is, veral aan Resende Barboza.
Daar is sprake van die invoer van Boransaad, nog geen sprake van die Nguni nie. Dus behoort die kalmte tussen die plaaslike beesboere, vir ten minste ´n redelike lang tyd, te bly voortbestaan.
Hasta la proxima.
raymond 2009 said:
Daardie ras met die vier voorkwarte en n mooi vel maak my nie opgewonde die.
Neander said:
Sjoe, dis nou ‘n goeie blog. Mooi so!Ou Prof Jan sal nooit weet wat hy by Mara reggekry het nie. Voorwaar ‘n lewende monument.Jy weet natuurlik dat elke ras sy eie voor en nadele het. Die ware voordele hang af van die klimaat en omgewing waar die diere aangehou word. Ek is verbaas dat julle so baie embrios gespoel het. Die kwessie van nuwe bloedlyne sal altyd ‘n probleem bly.’n Brahmaanteler Theo Dicke van Letsitele het onlangs die Boran kampioenskappe in Kenia gaan beoordeel. Hy het dit baie geniet. Die Nguni sal seker ook mettertyd sy opwagting by julle maak, ek moet erken die navorsing by Bartlow Combine is baie waardevol. Die bloedlyne word nie uitgekruis nie en geen waarde word aan kleur gegee nie. Hulle doen selfs ‘n bosluisindeks, en julle ook?Oja, die Barbosas van Brazilië is wêreldbekende beesboere, nes die Geldenhuys Afrikaners, dis nou Burger Geldenhuys van Bloubulfaam. Ek het die Barbozas in Texas, VSA ontmoet. Voorwaar ‘n belewenis om met sulke mense te praat. Hulle was die stamtelers van die GYRs van Indië. Sjoe, hoe sentimenteel word ek nou. Ek het die blog werklik geniet.
daancoetzee said:
raymond, die telers van daardie ras kan baie opgewonde word as die mense hulle beeste afkraak.