Ek dink, almal, wat hier lees, weet dat ons lief is vir ons eie wors. Gemaak volgens ouma se resep, moet net noem, dat ons ‘n wysiging of wat aangebring het. Dit is nou ook nie ‘n staatsgeheim nie en ek sal dit later noem. Vir ons, is dit baie lekkker wors en die meeste, wat al saamgeeet het, dink ook nogal so. Soms mag mense dit nie eet nie, want hulle geloof laat dit nie toe nie, daar is dan vark in. ander noem, dat hulle allergies is vir vark. Gelukkig, laat dit, dan meer, vir ons.
Ons nuwe Ozzie vriende, ja selfs van Australië, trek daar mense hierheen, nie net die Duitsers nie, noem ‘n paar dae gelede, dat hulle baie lus is regte, egte boerewors. Hulle is nou moeg vir al die Duitse worse, wat hier beskikbaar is. Geen probleem nie ons het ‘n lekker resep. Ja, maar ons het nog nooit eintlik self gemaak nie. Ons gaan maak sommer vir julle. Kry al die bestanddele, ons sal met julle regmaak. ‘n Lekker kuier, gekombineer, met ‘n bietjie werk.
Sê die vrou van die huis,’n dag of wat, voor ons gaan, ons sal moet naeltjies en koljander maal. Ons het nie genoeg vir ons normale 10 kg resep nie. Gaan haal die ou meuletjie, wat nommerpas is, vir die takie, van die rak af, in die buitekamer. Verrrassing! Hy is toetenaal vasgeroes. Die hoë vogtigheid en, dalk nie goed skoongemaak nie, die oorsaak. Ter verskoning,moet ek darem noem, ons het ‘n ruk terug, ‘n goeie voorraad gemaal en in die vrieskas gebêre. Dus, hom lanklaas gebruik. Onthou, dit was nog ouma Lizzie se meule, dus, maklik70-80 jaar oud. Egte kwaliteit.
Hoe nou gemaak? Ek is nie lus, om die 7 km natpad, aan te durf om ‘n nuwe te koop nie. Dus moet Spong & Co, se nommer 3 meuletjie oopgemaak en skoongemaak word. 5 skroewe (wat eintlik maklik losgekom het)en ‘n tikkie met die hamer en siedaar, hy is in 4 bewerkbare stukke. ‘n Klein vyltjie, skroewedraaiertjie, staalborsel en nie lank nie, toe is al die roes weg. Hom goed geskrop en later, na hy aanmekaar was, ‘n handvol hawermout deurgemaal, net om seker te maak, dat hy goed skoon was.
Volgens Google, het James Osborne Spong in 1856 die besigheid begin, die vervaardiging van “domestic machinery”. Tot ongeveer 1970, het nageslag van James Osbrne Spong, nog sekere goed vervaardig, oa motoronderdele.
‘n Aangename dag, met vriende gespandeer, lekker gesels en bietjie gewerk. ‘n Goeie middagete, met regte boerewors as hoofgereg. Die gasheer en -vrou beindruk. Bel hy die volgende dag, om net weer te bedank en noem, terloops, dat hulle die aand weer wors gehad het, daar het bietjie oorgebly vir ontbyt, maar dat hulle middagete, weer gaan wors he.
Ek voorsien, dat ons binnekort, weer sal gaan help.
Hasta la proxima
perdebytjie said:
Hoera vir daardie ou masjientjie! Die outydse goed was sterk en prakties. Interessante verhaal, Danie.
coetzee2014 said:
Jy is reg, Dina. Baie bly, dat hy weer werk. Dankie.
Vuurvliegie se lekkervurigeaffêre said:
A, my mond water. Niks lekkerder as daai tuisgemaakte koljander wors nie. Ons is ook trotse bewaarders van ouma se meuletjie.
coetzee2014 said:
Dit voel vir ons, amper, asof daar nie kos in die huis is, as daar nie wors is nie. Ek glo, daar was in baie oumas se huise, sulke meuletjies.
scrapydo2.wordpress.com said:
Lekker lyk daardie wors. Hier is n Afrikaanse winkel wat biltong, droë wors en dan vars wors maak. Baie bly jou meuletjie werk weer. dis ook lekker om vriende te he wat dieselfde smaak het. ek het lekker gelees hier by jou.
coetzee2014 said:
Dankie, vir die lees. Dit is aangename samesyn met lekker wors.
scrapydo2.wordpress.com said:
Lekker wors maak beslis die geselskap ook lekker.
Una said:
Wat ñ mooie meuletjie, Coetzee! Dit klink na ñ lekker worsmakery hierdie.
coetzee2014 said:
Una, dit is ‘n lekker gemoedelike besigheid en die wors is lekker.
HesterLeyNel said:
Jinne, ek is nou sommer jaloers. Ek kla voortdurend oor die kwaliteit van die maalvleis en wors wat ons hier te koop kry. Dis ‘n pragtige ou meuletjie.
coetzee2014 said:
As die kwaliteit van die maalvleis nie goed is nie, dan geld dit maar vir die wors. Jy kan natuurlik, ‘n goeie stuk vleis koop en slagter, wat sy sout werd is, moet dit dan vir jou maal. Ek kan jou verseker, baie ongewenste goed, word in sommige worse ingemaal. Kan nie veralgemeen nie, maar ja………
HesterLeyNel said:
Ek dink dis juis die probleem hier – ons kry nie juis kwaliteit vleis nie.
rondomtaliedraai said:
Stuur so proeseltjie aan…
coetzee2014 said:
Ja, waar is die dae van karmenaatjies. wonder, hoeveel mense, weet wat ‘n karmenaatjie is?
Tokeloshe. said:
Lekker ! Ek dink daar is meer mense in die buiteland wat wors maak as in S.A. 😉
coetzee2014 said:
Dit kan maklik so wees. Ons weet, wat is in ons wors en dit is lekker.