Sleutelwoorde

,

Twee lande, twee kulture, twee tale. Nie baie verskillend nie, maar tog groot genoeg, om die duidelike verskil op te merk. Nou dat ek daaraan dink, is ons lewens, eintlik verweef, tussen drie kulture. Hoe meer, ek hieroor dink, moet dit seker 5 kulture wees. Ons eie, die Paraguaanse, Brasiliaanse, die ou Duitse kultuur, van die, wat bekendstaan, as die Koloniste, en die nuwe Duitse kultuur, want daar is ‘n instroming, vanaf Europa. Is ons bevoorreg? Ek dink so.

kulture 7

kulture 9

karnaval 2

Ons woon in ‘n Duitse kolonie, in ‘n Spaanse land, dan het ons ‘n woonstel in Brasilië. Die vrou van die huis, se seun woon daar. As iemand praat van Brasilië, dan gaan die gedagtes, onmiddelik, na wit strande en bikinis, nie hier nie. Een honderd meter, van, wat hulle hier, ‘n droë grens, met Paraguay, noem, 770 km, van die naaste kusdorp af. Ten spyte, van verlede week se onthulling, van een of ander wêreldwye opname, dat Brasilië, kwansuis, meer gevaarlik, as SA is. Miskien, in enkele van die groot stede, se oorbevolkte favelas. Gedurende, al ons reise en verblyf hier in Brasilië, so elke twee/ drie maande, twee/ drie weke hier, het ons nog geen oomblik onveilig gevoel of enige vyandigheid ondervind nie. Die Brasiliaanse platteland, is volgens, wat ons beleef, baie veilig, want die polisie handhaaf ‘n goeie teenwoordigheid, en doen hul plig. Steeds verstommend, kindertjies, tot laataand, buite aan die speel. Vrouens wat stap, soms alleen, op fietse en motorfietse. Die rustigheid vanself.

kulture 5

kulture 10

Ons woonstel,is op die dorp, Sete Quedas, so vernoem, na die waterval, of eintlik sewe watervalle, wat onder die water verdwyn het, met die bou van die Itaipu Hidroëelektriese skema. Wie onthou nog die film. The Mission, dit is by daardie watervalle, geskiet?

kulture 11

kulture 12

kulture 13

Twintig jaar gelede, was die omgewing, by uitstek, beeswêreld. Gewasproduksie, is besig om die hele prentjie te verander. Die verbouing, van veral soja, vind nou plaas. 5 oeste in 2 jaar is die norm. Geen bewerking word toegepas. Planters, volg letterlik, in die spore van die stropers. Soja, word afgewissel met mielies, koring, hawer en gras. Vir ‘n voormalige veeboer, ‘n byna hartseersaak, om hektare, van die mooiste gras te sien, onbenut, deur ‘n dier se bek. Ek sien, in my geestesoog, koeie en kalwers, ooie met lammers, moeders met rondvol uiers en kalwers en lammers, skuimbek gesuip, van die oorvloed melk, rondvet. Al daardie organiese materiaal, net so gelos, op die diep, rooi grond, om die bolaag te verryk en te beskerm. Ek dink, die beste landbou omgewing, ter wêreld. Oor die reënval, verkies ek, om niks, te sê nie.

kulture 2

kulture 14

kulture 3

Onlangs, het ek die werkers, aan ‘n nuwe kommunikasietoring, aan die ander kant van die straat van ons woonstel, gevra, om ‘n paar foto’s, 130 meter van bo af te neem. ‘n Dorp, soos enige ander.

Ons, is bly, dat ons hier is. Met die tyd, kom ons agter, dat behalwe die taal, daar nie ‘n onoorkomlike kultuurverskil, is nie. Ons stresvlak, is laag en wat ons stres is seker nietighede, maar met ‘n bekommernis, oor ons vriende en familie. Groot dankbaarheid, vir wat ons bevoorreg is, om te beleef.

Hasta la proxima